Kort om publikasjonen

Rapporten er skriven i samband med NODES-prosjektet (Nordic Welfare states and the dynamics and effects of ethnic residential segregation). Rapporten bygger på ein komparativ analyse av implikasjonane av bustadpolitikken for innvandrarar i dei nordiske landa, og er delvis basert på NODES-rapporten «Immigration, Housing and Segregation in the Nordic Welfare States» (Andersson et al. 2010).

Oversikt over hovudfunn

• Bustadsituasjonen for innvandrarar varierer mellom dei nordiske landa. Dette heng i stor grad saman med forskjellar i bustadmarknadene og bustadpolitikken som har forma desse marknadene.
• Det er store forskjellar mellom landa i innvandrarane si fordeling på bustadmarknaden.
• Den norske konteksten viser at ein mangel på tilstrekkeleg med leigebustader kan «presse» innvandrarar til å bli bustadeigarar, noko som kan vere ønskeleg.
• Ulempa er likevel at dette fører til at mange innvandrarar bur svært trongt.
• Mangelen på leigebustader fører til eit høgt press på leigemarknaden. Dette opnar opp for høge leigeprisar og for diskriminering.
• Ein stor sosial/offentleg bustadsektor legg til rette for gode bustadmoglegheiter for innvandrarar, men kan også føre til bustadsegregering.

Lenke til meir informasjon